ភ្នំពេញ៖ ក្នុងឱកាសអបអរសាទរ «ទិវាគ្រូបង្រៀន ៥តុលា ២០២៣» ក្រោមប្រធានបទ «គ្រូបង្រៀនជាសសរស្ដម្ភនៃកំណែទម្រង់សាលារៀនឆ្ពោះទៅរកឧត្តមភាព» រដ្ឋមន្ត្រីក្រសួងមុខងារសាធារណៈ លោក ហ៊ុន ម៉ានី បានថ្លែងអំណរគុណដល់គ្រូៗដែលបានលះបង់ ផ្តល់ចំណេះដឹង និងផ្តល់ក្តីស្រឡាញ់ដល់សិស្ស និងនិស្សិតគ្រប់រូប។
លោក ហ៊ុន ម៉ានី បានចាត់ទុក គ្រូបង្រៀ់នគឺជាឪពុកម្តាយទី២ ដែលមិនត្រឹមតែជាអ្នកផ្តល់នូវចំណេះដឹង និងបទពិសោធន៍ប៉ុណ្ណោះទេ តែក៏ជាអ្នកដែលចង់ឃើញសិស្ស និងនិស្សិតទាំងអស់គ្នាទទួលបានជោគជ័យក្នុងឆាកជីវិតផងដែរ។
រដ្ឋមន្ត្រីក្រសួងមុខងារសាធារណៈបានសរសេររៀបរាប់នៅក្នុងគណនីហ្វេសប៊ុកដូច្នេះថា៖ «សូមបងប្អូនជនរួមជាតិទាំងអស់ ឆ្លៀតឱកាសក្នុងទិវាមួយនេះ ចូលរួមរំឭកគុណលោកគ្រូអ្នកគ្រូរបស់ខ្លួន ដើម្បីជាថ្លែងអំណរគុណ តបស្នងនូវការលះបង់ និងសេចក្តីស្រលាញ់ដែលលោកបានផ្តល់មកលើយើងម្នាក់ៗ»៕
ព័ត៌មានជាច្រើនទៀតសម្រាប់អ្នក
